Neft korreksiya çərçivəsində bahalaşıb

Sorry, this entry is only available in Azerbaijani. For the sake of viewer convenience, the content is shown below in the alternative language. You may click the link to switch the active language.

Bir gün əvvəl 1%-lik ucuzlaşmadan sonra dünya bazarlarında neft korreksiya səbəbilə bahalaşıb.

Bakı vaxtı ilə saat 09.03-ə olan məlumata görə, Şimal dənizində hasil olunan “Brent” neftinin yanvar fyuçersləri 0,82% bahalaşaraq, 1 bareli 82,72 ABŞ dollarına satılıb. WTI neftinin yanvar fyuçerslərinin qiyməti isə 0,66% artaraq, 1 bareli 80,28 ABŞ dolları təşkil edib.

Neftin ucuzlaşmasına səbəb ABŞ-ın Energetika Nazirliyinin proqnozu səbəb olub. Proqnoza görə, dekabr ayında ABŞ-ın əsas neft-qaz rayonlarında neft hasilatı gündəlik 85 min barel və ya noyabr ayı ilə müqayisədə 1% artaraq, 8,316 milyon barel təşkil edəcək.

Bundan başqa, investorlar Avropada COVID-19 ilə əlaqəli yeni məhdudiyyətlərin tətbiqinə də diqqət ayırırlar. “Avropa pandemiya səbəbindən yeni məhdudiyyətlər tətbiq edir, bununla da benzinin qiymət artımının qarşısını almaq məqsədilə ABŞ-ın öz ehtiyatlarından istifadə etməsi üçün Prezident Cozef Baydenə təzyiqlər artır”, – ANZ şirkətinin analitikləri bildiriblər.

13 November, 2021, 12:25